11 Orait Moses i tokim Jehova olsem: “Wai na yu givim hevi long mi wokman bilong yu? Mi mekim wanem na yu no amamas long mi na yu putim hevi bilong ol dispela manmeri long mi?+

15 Sapos yu laik mekim olsem long mi, orait mobeta yu kilim mi i dai nau tasol.+ Sapos yu amamas long mi, orait no ken larim mi hatwok moa long karim hevi.”

3 Elaija i harim dispela tok na em i pret, em i tingim laip bilong em olsem na em i ranawe.+ Em i kam kamap long Berseba+ bilong Juda,+ na em i lusim wokman bilong em i stap long dispela ples. 4 Na em i wokabaut i go inap wanpela de long ples nating na em i kam sindaun aninit long wanpela liklik diwai brum,* na em i askim long em i laik i dai. Em i tok: “Mi inap nau! O Jehova, plis tekewe laip bilong mi,+ long wanem, mi wankain tasol olsem ol tumbuna papa bilong mi.”

15 Olsem na mi ting mobeta ol i pasim nek bilong mi.

Yes, mi laik i dai na mi no laik i stap olsem moa.+

16 Mi les tru long laip bilong mi;+ mi no laik i stap laip moa.

Lusim mi, long wanem, laip bilong mi i sotpela olsem win mi pulim na rausim.+

2 So em i beten long Jehova, olsem: “Jehova, taim mi stap yet long ples bilong mi, mi save pinis olsem yu bai mekim olsem. Olsem na pastaim mi bin traim long ranawe i go long Tarsis;+ long wanem, mi save yu God i gat pasin sori* na pasin marimari, yu no save belhat kwik na yu pulap tru long gutpela pasin laikim,*+ na yu redi long senisim tingting na yu no mekim save long man. 3 Nau, O Jehova, plis tekewe laip bilong mi, mobeta mi dai na mi no stap laip.”+