18 Tasol yupela i mas tokim king bilong Juda husat i bin salim yupela i kam bilong kisim tingting bilong Jehova, olsem, “Dispela em tok bilong Jehova, God bilong Israel: ‘Taim yu bin harim ol dispela tok, 19 yu sori tru na daunim yu yet+ long ai bilong Jehova taim yu harim tok long ol samting mi tok long mekim long dispela ples na ol manmeri bilong en—olsem ol bai kamap olsem samting ol man bai tingim na pret na ol man bai tok long dispela ples taim ol i tok long bagarap i ken painim ol arapela—na yu brukim klos bilong yu+ na krai long ai bilong mi na mi bin harim, dispela em tok Jehova i mekim.

13 Em i wok yet long beten long God, na God i pilim tru singaut bilong em na i putim yau long askim em i mekim long God i ken orait long em. Na God i larim em i go bek long Jerusalem na mekim gen wok king.+ Na nau Manase i save olsem Jehova em i God tru.+

Taim dispela man i singaut long kisim helpim em i save harim singaut bilong em.+

22 Tasol papa i tokim ol wokboi bilong em, ‘Hariap! bringim nambawan longpela klos i kam na putim long em, na putim ring long pinga bilong em na sendol long lek bilong em. 23 Na tu, bringim wanpela patpela pikinini bulmakau i kam na kilim na yumi ken kaikai na amamas wantaim, 24 long wanem, dispela pikinini bilong mi i bin i dai na em i kisim laip gen,+ em i bin lus, tasol yumi painim em pinis.’ Na ol i kirap na amamas wantaim.

13 Tasol takisman i sanap longwe na em i no laik lukluk i go antap long skai. Em i wok long paitim bros bilong em na tok, ‘God, marimari long mi, mi wanpela sinman.’+ 14 Mi tokim yupela: Dispela takisman i go daun long haus bilong em, em i kamap stretpela man moa winim dispela Farisi.+ Long wanem, man i litimapim nem bilong em yet, em bai kisim sem, tasol man i daunim em yet, em bai kisim biknem.”+