• Buk Song 31:1-3
    Nupela Taim Trenslesen Bilong Ol Skripsa Holi

    • 31 Jehova, mi kam long yu bai yu stap ples hait bilong mi.+

      Yu no ken larim mi kisim sem.+

      Yu gat stretpela pasin, olsem na yu mas kisim bek mi.+

       2 Putim yau long* singaut bilong mi.

      Kam hariap na helpim mi.+

      Stap olsem maunten bilong mi we mi ken i go hait long en,

      Na olsem strongpela ples hait bilong kisim bek mi.+

       3 Yu olsem bikpela ston na strongpela banis bilong mi;+

      Yu mas tingim nem bilong yu,+ na go pas long mi na stiaim mi long bihainim gutpela rot.+

  • Jeremaia 17:18
    Nupela Taim Trenslesen Bilong Ol Skripsa Holi

    • 18 Mi laik bai yu semim ol man i mekim nogut long mi,+

      Tasol yu no ken semim mi.

      Yu mas mekim ol i pret nogut tru.

      Tasol yu no ken mekim mi i pret nogut tru.

      Mi laik bai yu mekim taim nogut i kamap long ol,+

      Na yu mas mekim save long ol na bagarapim ol olgeta.