8 “Na nau yupela i ting yupela inap tru long kam pait long dispela kingdom bilong Jehova i stap long han bilong ol pikinini man bilong Devit, a? Yupela i ting yupela i ken kam mekim pait, long wanem, yupela i bikpela lain tru na yupela i gat ol imis gol bilong yangpela bulmakau em Jeroboam i bin wokim olsem ol god bilong yupela.+ 9 Yupela tasol i bin rausim ol pris bilong Jehova+ em ol tumbuna pikinini bilong Aron, na yupela i bin rausim ol Livai. Na yupela i makim ol pris bilong yupela yet olsem ol manmeri bilong ol arapela kantri+ i save mekim. Wanem man i bringim 1-pela yangpela bulmakau man na 7-pela sipsip man i kam, yupela i save makim em i kamap pris bilong ol giaman god bilong yupela.

26 “Tasol ol i sakim tok bilong yu na bikhet long yu+ na ol i givim baksait long Lo bilong yu.* Ol profet em yu bin salim i kam bilong givim tok lukaut long ol bai ol i mas kam bek long yu, ol i kilim ol i dai. Na ol i mekim ol pasin i bagarapim nem bilong yu.+