-
Lo 4:34Nupela Taim Trenslesen Bilong Ol Skripsa Holi
-
-
34 Long Isip yupela i bin lukim Jehova, God bilong yupela, i mekim kot, ol bikpela wok, ol mirakel,+ pait,+ na em i yusim strongpela han+ bilong em, na opim han bilong em, na mekim ol bikpela samting we i mekim ol i pret nogut tru.+ Em i mekim olsem bilong kisim wanpela lain manmeri namel long arapela lain. Yupela i ting God i bin mekim olsem long wanpela narapela lain?
-
-
Buk Song 105:27-36Nupela Taim Trenslesen Bilong Ol Skripsa Holi
-
-
27 Na tupela i mekim ol bikpela wok bilong em namel long ol,
Na tupela i wokim ol mirakel bilong em long graun bilong Ham.+
28 Em i salim tudak i kam na graun i kamap tudak;+
Na tupela i no sakim tok bilong em.
29 Em i tanim ol wara bilong ol i kamap blut
Na em i kilim i dai ol pis bilong ol.+
30 Ol frog i planti tru na i pulapim graun bilong ol,+
Na long haus bilong king tu.
31 Em i tok na ol lang* i go,
Na em i tok na ol moskito* tu i go na pulapim tru olgeta hap graun bilong ol.+
33 Em i bagarapim ol rop wain bilong ol na ol diwai fik bilong ol
Na em i brukim olgeta diwai i stap long graun bilong ol.
34 Em i tok long ol grasopa i mas i go,
Namba bilong ol grasopa i planti tru na man i no inap kaunim.+
35 Ol i pinisim olgeta gras na plaua samting long graun,
Na ol i kaikai olgeta samting i kamap long graun.
36 Bihain em i kilim i dai olgeta namba 1 pikinini long graun bilong ol,+
Em ol fes pikinini ol i bin kamapim.
-