6 Harim! Mi bai sanap long wanpela bikpela ston long Horep. Na yu mas kam paitim dispela ston na wara bai kamap long en na ol manmeri i ken dring.”+ Orait Moses i mekim olsem God i tokim em long ai bilong ol hetman bilong Israel. 7 Na Moses i kolim nem bilong dispela ples, Masa*+ na Meriba,*+ long wanem, ol Israel i kros na ol i traim Jehova+ taim ol i tok olsem: “Jehova i stap wantaim yumi o nogat?”