-
Buk Song 53:supaskripsen-6Nupela Taim Trenslesen Bilong Ol Skripsa Holi
-
-
Tok i go long dairekta. Ol i singim dispela song long nek ol i kolim Mahalat.* Maskil.* Singsing bilong Devit.
53 Man i no gat gutpela tingting i save tok long em yet olsem:
“Jehova i no stap.”+
Ol dispela kain man i no save mekim stretpela pasin, na pasin bilong ol i nogut tru;
I no gat wanpela i save mekim gutpela pasin.+
2 Tasol God i stap long heven na i lukluk i kam daun long ol manmeri bilong graun.+
Em i laik painim ol man i kliagut long ol samting na i wok long painim Jehova.+
3 Tasol olgeta man i lusim gutpela rot pinis;
Olgeta i wankain tasol, ol i no save mekim stretpela pasin.
I no gat wanpela i save mekim gutpela pasin,
Nogat tru.+
4 Ating ol dispela man bilong mekim pasin nogut, ol i no gat save, a?
Ol i save pinisim ol manmeri bilong mi olsem ol i kaikai bret.
Na ol i no save singaut long Jehova.+
5 Tasol ol dispela man bai i pret nogut tru,
Bipo ol i no bin pilim kain pret olsem,*
Long wanem, ol man i pait long yu, God bai tromoi nabaut bun bilong ol.
Yu bai mekim ol i sem, long wanem, Jehova i givim baksait pinis long ol.
6 Mi laikim tumas bai man bilong kisim bek lain Israel i lusim Saion na i kam!+
Taim Jehova i kisim ol manmeri bilong em i bin stap kalabus i kam bek,
Orait Jekop i ken amamas, na Israel i ken belgut.
-
-
Rom 3:10-12Nupela Taim Trenslesen Bilong Ol Skripsa Holi
-
-
10 Olsem Rait Holi i tok: “I no gat wanpela man i save mekim stretpela pasin, nogat tru.+ 11 Na i no gat wanpela man i kliagut long ol samting; na i no gat wanpela man i wok long painim God. 12 Olgeta man i lusim gutpela rot pinis, olgeta wantaim i man nogut, i no gat wanpela i save mekim pasin helpim, nogat tru.”+
-