9 Moses na Aron, na Nadap, na Abihu wantaim 70 hetman bilong Israel i go antap long maunten, 10 na ol i lukim God bilong Israel.+ Na aninit long lek bilong em ol i lukim samting olsem floa em ol i wokim long ol ston sapaia na ol dispela ston i lait tumas olsem skai i klia.+

6 Long yia King Usia i dai,+ mi lukim Jehova i sindaun long sia king i antap tru,+ na longpela klos bilong em i karamapim olgeta hap bilong tempel. 2 Ol serafim* i sanap raunim em; olgeta wan wan i gat 6-pela wing. Wan wan i karamapim pes bilong ol long tupela wing na karamapim lek bilong ol long tupela wing, na ol i flai long narapela tupela wing.

 3 Narapela i singaut long narapela olsem:

“Jehova, bosman bilong bikpela lain ami, em i holi, em i holi, em i holi.+

Glori bilong em i inapim olgeta hap bilong graun.”

27 Na mi lukim lukluk bilong em kirap long weist bilong em na i go antap, em i luk olsem ilektram+ i lait na paia i raunim. Kirap long weist bilong em i go daun, em i luk olsem paia.+ Na bikpela lait i raunim em 28 i olsem lait bilong renbo+ insait long klaut long taim ren i pundaun. Lukluk bilong bikpela lait i raunim em i luk olsem. Em i luk olsem glori bilong Jehova.+ Taim mi lukim, mi nildaun na putim pes i go daun long graun, na mi harim nek bilong wanpela i wok long toktok.

2 Bihain long dispela, wantu strong bilong holi spirit i kamap long mi, na lukim! wanpela sia king i stap long heven, na wanpela man i sindaun long dispela sia king.+ 3 Na dispela Man i sindaun long sia king i lait olsem ston jaspa+ na ston sardius.* Na i gat renbo i raunim sia king, na renbo i lait olsem ston emeral.*+