• 1 Stori 16:28-33
    Nupela Taim Trenslesen Bilong Ol Skripsa Holi

    • 28 Givim ona long Jehova, yupela ol lain famili bilong ol manmeri,

      Givim ona long Jehova long glori na strong bilong em.+

      29 Givim glori long Jehova olsem i stret long nem bilong em;+

      Kisim wanpela presen na kam klostu long em.+

      Werim ol klos holi bilong yupela na* brukim skru* long Jehova.+

      30 Yupela olgeta manmeri bilong graun, yupela i mas pret long em na guria!

      Graun* i stap strong tru; em i no inap surik.+

      31 Amamas yu heven na yu graun tu amamas;+

      Tokaut long olgeta lain manmeri: ‘Jehova i kamap King!’+

      32 Solwara na olgeta samting i stap long en i mas mekim bikpela nois olsem tanda;

      Graun na olgeta samting i stap long en i mas amamas.

      33 Long wankain taim ol diwai bilong bikbus i mas singaut amamas long ai bilong Jehova,

      Em i wok long kam* bilong skelim graun.