• Provep 22:22, 23
    Nupela Taim Trenslesen Bilong Ol Skripsa Holi

    • 22 No ken stilim ol samting bilong rabisman bikos em i stap rabis,+

      Na no ken krungutim ol taranguman insait long geit bilong taun,+

      23 Bikos Jehova yet bai sambai long keis bilong ol long kot+

      Na em bai tekewe laip bilong ol man husat i giaman na pulim ol samting bilong ol.

  • Jems 5:4
    Nupela Taim Trenslesen Bilong Ol Skripsa Holi

    • 4 Harim! Pe yupela i no bin givim long ol wokman husat i kamautim ol kaikai long ol gaden bilong yupela, ol dispela pe i wok long singaut. Na ol man bilong kisim kaikai ol i wok long singaut bilong kisim helpim, na dispela singaut bilong ol i kamap long yau bilong Jehova,* bosman bilong bikpela lain ami.*+