6 Ol Israel i mekim gen ol pasin nogut long ai bilong Jehova.+ Ol i lotuim ol god Bal,+ ol imis bilong Astoret, ol god bilong Aram,* ol god bilong Saidon, ol god bilong Moap,+ ol god bilong Amon,+ na ol god bilong Filistia.+ Ol i lusim Jehova na ol i no lotuim em. 7 Na Jehova i belhat nogut tru long ol Israel, na em i putim ol long han bilong ol Filistia na ol Amon.+ 8 Olsem na ol i daunim na mekim nogut tru long ol Israel long dispela yia—inap 18 yia ol i mekim nogut long ol Israel long hapsait bilong Wara Jordan, long graun bilong ol Amor long Gileat.