• 2 Samuel 22:8-16
    Nupela Taim Trenslesen Bilong Ol Skripsa Holi

    •  8 Graun i guria na i seksek moa yet;+

      Na skai i guria+

      Na i seksek moa yet, long wanem, em i kros.+

       9 Smok i kamap long nus bilong em,

      Na paia i kamaut long maus bilong em na kukim ol samting;+

      Na em i sutim ol hap paia i go nabaut.

      10 Em i mekim skai i op na em i kam daun,+

      Na blakpela klaut i stap aninit long lek bilong em.+

      11 Em i sindaun antap long wanpela serap+ na flai i kam.

      Em i stap long wing bilong wanpela ensel+ na i kam.

      12 Tudak em i mekim i kamap olsem haus sel i raunim em,+

      Em blakpela klaut bilong ren.

      13 Na skai i lait long ai bilong em, na ol hap paia i sut i kam ausait long dispela lait.

      14 Na Jehova i stap long heven na i mekim tanda i pairap;+

      Na olgeta manmeri i harim nek bilong God Antap Tru.+

      15 Em i sutim ol spia bilong em i go+ long ol birua bilong em, na ol i ranawe nabaut;

      Na em i mekim lait bilong laitning i sut i go na i mekim ol i paul nabaut.+

      16 As bilong solwara i kamap ples klia;+

      Na ol samting bilong strongim graun i kamap ples klia taim Jehova i krosim ol,

      Long strongpela win i kamaut long nus bilong em.+