• Buk Song 135:15-18
    Nupela Taim Trenslesen Bilong Ol Skripsa Holi

    • 15 Ol arapela kantri i bin wokim ol imis bilong ol long gol na silva,

      Em ol man tasol i bin wokim.+

      16 Ol i gat maus, tasol ol i no inap toktok;+

      Ol i gat ai, tasol ol i no inap lukluk;

      17 Ol i gat yau, tasol ol i no inap harim toktok.

      Ol i no inap pulim win long nus bilong ol.+

      18 Ol manmeri i wokim ol, ol i ken kamap wankain olsem ol dispela imis.+

      Na ol manmeri i save bilip long ol, ol tu i ken kamap wankain olsem ol.+

  • Aisaia 46:6
    Nupela Taim Trenslesen Bilong Ol Skripsa Holi

    •  6 I gat sampela man husat i save rausim planti gol tru long paus bilong ol;

      Ol i putim silva long skel na ol i skelim.

      Ol i haiarim wanpela saveman bilong wokim ol samting long ain samting, na em i mekim i kamap wanpela god.+

      Bihain ol i putim pes i go daun long ai bilong en, yes ol i lotu long en.*+

  • Jeremaia 10:3, 4
    Nupela Taim Trenslesen Bilong Ol Skripsa Holi

    •  3 Pasin bilong ol dispela lain i no gat as bilong en.

      Saveman bilong wokim ol samting i save katim diwai long bikbus,

      Na em i save yusim tul* bilong em long sapim imis long en.+

       4 Na ol i save bilasim gut dispela imis long gol na silva+

      Na ol i save yusim hama long nilim dispela imis long wanpela hap na bai em i no ken pundaun.+

  • Jeremaia 10:8, 9
    Nupela Taim Trenslesen Bilong Ol Skripsa Holi

    •  8 Olgeta bilong ol i no save skelim gut ol samting na ol i longlong man.+

      Em i longlong pasin long ting olsem diwai inap skulim man.+

       9 Ol i save kisim ol silva plet long Tarsis+ na gol long Ufas,

      Em ol saveman bilong wokim ol samting na ol man i save wokim ol samting long ain samting i save yusim ol dispela samting bilong karamapim diwai.

      Ol manmeri i save bilasim ol long laplap ol i wokim long blupela tret na pepol wul.*

      Ol man i gat save i wokim ol dispela imis.

  • Aposel 19:26
    Nupela Taim Trenslesen Bilong Ol Skripsa Holi

    • 26 Na yupela i lukim na harim tok long olsem wanem Pol i bin pulim bikpela lain na kirapim ol long bihainim narapela tingting, em i save tok ol god ol man i wokim long han, ol i no god.+ Na em i no mekim dispela long Efesus tasol,+ nogat. Em i mekim long klostu olgeta hap bilong provins Esia.