16 Olsem na Nambawan Bikpela Jehova i tok olsem:

Olgeta man i bilip long en i no inap pret na guria.+

17 Tasol em i lukluk long ol na tok: “Orait wanem mining bilong dispela tok i stap long Rait Holi, olsem: ‘Dispela ston ol wokman i no laikim, em i kamap nambawan ston bilong kona bilong haus’?*+

11 Jisas em i ‘dispela ston yupela ol wokman i mekim olsem em i samting nating, tasol em i kamap nambawan ston bilong kona bilong haus.’*+

11 I no gat wanpela man inap wokim faundesen bilong haus bilong senisim dispela faundesen i stap pinis, em Jisas Krais.+

19 Olsem na yupela i no stap moa olsem ol man ol arapela i no save long en o ol man bilong narapela ples, nogat.+ Yupela i wanlain sitisen+ bilong lain holi na yupela i stap olsem wanhaus bilong God.+ 20 Ol aposel na ol profet i stap olsem faundesen bilong haus,+ na Krais Jisas em i ston bilong kona bilong faundesen.+ Na yupela i olsem ol ston God i sanapim antap long ol.

4 Yupela i kam long em, em wanpela ston i gat laip, na ol man i bin sakim em,+ tasol God i bin makim em na em i dia tumas long God.+ 5 Yupela tu, yupela ol ston i gat laip, na yupela i olsem haus God i wokim long rot bilong holi spirit.+ Bai yupela i ken i stap olsem lain pris i holi, na ofaim ol sakrifais long rot bilong Jisas Krais olsem holi spirit bilong God i makim.+ Em ol sakrifais God i orait long en.+ 6 Rait Holi i tok: “Harim! Mi putim wanpela ston long Saion, em ston mi bin makim, em ston i dia tumas bilong kona bilong faundesen. Na man i bilip long en bai i no inap bel hevi.”*+

7 Yupela ol man i bilip, olsem na em i dia tumas long yupela. Tasol long ol man i no bilip, i no olsem, Rait Holi i tok: “Dispela ston ol wokman i no laikim,+ em i kamap nambawan ston bilong kona bilong haus.”*+