10 Hana i pilim nogut tru na em i krai moa yet na em i beten long Jehova.+ 11 Na em i mekim tok promis olsem: “Jehova, bosman bilong bikpela lain ami, mi laik yu lukim mi wokmeri bilong yu na lukim hevi mi karim na tingim mi, na givim mi wanpela pikinini man.+ Sapos yu mekim olsem, bai mi givim em long yu, Jehova, na bai em i mekim wok bilong yu long laip olgeta bilong em. Na ol i no ken katim gras bilong em.”+

11 Na Devit i tokim Abisai na ol wokman bilong em olsem: “Sapos pikinini man bilong mi yet, em mi bin kamapim, i laik kilim mi i dai,+ orait mi no kirap nogut long samting dispela man bilong lain Benjamin+ i mekim! Larim em i mekim tok i bagarapim mi, long wanem, Jehova i tokim em long mekim olsem! 12 Ating Jehova bai lukim hevi bilong mi,+ na Jehova bai bekim gutpela pe long mi na tok bilong bagarapim mi em Simei i bin mekim long mi long dispela de, bai i no ken kamap long mi.”+

9 Dispela em wanpela tok King Hesekia bilong Juda i bin raitim taim em i sik na em i kamap orait long sik bilong em.