5 Taim em i belhat long wanpela man, belhat bilong em i save stap sotpela taim tasol,+

Tasol man em i orait long en, em bai mekim gut long dispela man long laip olgeta bilong em.+

61 Spirit bilong Nambawan Bikpela Jehova i stap long mi,+

Long wanem, Jehova i bin makim mi long autim gutnius long ol man i daunim ol yet.+

Em i bin salim mi i kam bilong oraitim ol man husat i bel hevi tru,

Bilong autim tok olsem ol man i stap kalabus ol i ken i go fri

Na bilong opim ai bilong ol man i stap kalabus,+

 2 Bilong autim tok long yia bilong Jehova i mekim gut long ol manmeri

Na de bilong God bilong yumi long bekim rong,+

Na bilong mekim isi bel bilong olgeta man i krai sori,+

 3 Bilong givim ol samting long ol manmeri i krai sori long Saion,

Bilong givim ol gutpela bilas bilong het bilong senisim sit bilong paia,

Bilong givim ol oil bilong amamas bilong senisim krai sori,

Bilong givim ol klos bilong litimapim nem, bilong senisim bel hevi.

Ol man bai kolim ol olsem ol bikpela diwai bilong stretpela pasin,

Em Jehova i bin planim na bai em i ken kisim glori long dispela.+