25 Na nau, O Jehova, God bilong Israel, mi askim yu long bihainim promis em yu bin mekim long papa bilong mi na wokman bilong yu, Devit, olsem: ‘Sapos ol pikinini man bilong yu i tingim gut wokabaut bilong ol na wokabaut stret long ai bilong mi olsem yu bin mekim, orait oltaim bai mi larim wanpela man long lain bilong yu i stap king bilong Israel.’+

Jehova, bosman bilong bikpela lain ami, i gat strongpela laik long mekim dispela samting i kamap.

20 “Jehova i tok olsem, ‘Sapos yu inap brukim kontrak mi mekim wantaim san na kontrak mi mekim wantaim nait, na yu pasim san na nait long kamap long taim stret bilong ol,+ 21 orait long dispela taim tasol, kontrak mi mekim wantaim wokman bilong mi Devit, em inap bruk,+ na i no gat wanpela pikinini man bilong em bai i sindaun long sia king bilong em na bosim ol manmeri.+ Na kontrak mi mekim wantaim ol pris bilong Livai, em ol wokman bilong mi, em tu inap bruk.+

27 Jisas i wokabaut i go na tupela aipas man+ i bihainim em na singaut olsem: “Pikinini Bilong Devit, marimari long mipela.”

69 Na em i bin kamapim wanpela strongpela seivia*+ bilong yumi long lain bilong wokman bilong em, Devit.+

30 Em i wanpela profet na em i save olsem God i bin mekim tok tru antap long em olsem em bai putim wanpela pikinini bilong em long sia king bilong em.+ Olsem na 31 em i save pinis na em i autim tok long kirap bek bilong Krais, olsem God i no lusim em i stap long Matmat* na bodi bilong em i no sting na bagarap.+

22 Na taim God i rausim em pinis, em i makim Devit long stap king bilong ol.+ Na em i tok long Devit olsem: ‘Mi lukim pinis Devit, pikinini man bilong Jesi,+ em man i save mekim ol samting i stret wantaim ol tingting i stap long bel bilong mi;+ em bai mekim olgeta samting mi laikim.’ 23 Na long lain pikinini bilong dispela man, God i makim wanpela man bilong kisim bek ol manmeri, em Jisas, na i bringim em i kam long Israel olsem em i bin promis long mekim.+