6 Orait long driman God tru i tokim em: “Mi save olsem yu no gat tingting nogut taim yu kisim em. Olsem na mi pasim yu long mekim sin long ai bilong mi. Dispela i as na mi no larim yu i slip wantaim em.

12 Man i bikhet na i no harim tok bilong pris husat i mekim wok bilong Jehova, God bilong yupela, o em i no harim tok bilong jas, orait em i mas i dai.+ Yupela i mas mekim olsem na bai yupela i rausim dispela pasin nogut long Israel.+

23 Pasin bilong bikhet+ i nogut tru wankain olsem wok man i save mekim bilong givim save long ol samting i stap hait.+ Na pasin bilong hambak i olsem pasin bilong wokim ol mejik na lotuim ol giaman god.* Yu bin givim baksait long tok bilong Jehova,+ olsem na em i givim baksait long yu na yu no ken i stap king moa.”+

7 Na Jehova i belhat nogut tru long Usa, long wanem, Usa i no soim rispek+ long lo bilong God na God tru i kilim em i dai+ long dispela hap stret klostu long Bokis Kontrak bilong God tru.

16 Tasol taim em i kamap strong, em i kisim pasin antap na dispela i bagarapim em. Na em i no bihainim tok bilong Jehova, God bilong em. Em i go insait long tempel bilong Jehova long kukim paura bilong smok i gat gutpela smel antap long alta bilong kamapim smok i gat gutpela smel.+ 17 Na wantu tasol pris Asaria na 80 arapela pris bilong Jehova, em ol i gat strongpela bel, i bihainim em i go insait. 18 Ol i krosim King Usia na tok: “Usia, i no stret long yu kukim paura bilong kamapim smok i gat gutpela smel long Jehova!+ Em wok bilong ol pris tasol long kukim paura bilong kamapim smok i gat gutpela smel, long wanem, ol i tumbuna pikinini bilong Aron,+ na God i bin mekim ol i kamap holi long mekim dispela wok. Yu mas lusim dispela ples holi na go ausait. Yu mekim pasin i no stret, olsem na Jehova God bai i no inap givim biknem long yu long dispela pasin yu mekim.”