• 2 Samuel 11:4
    Nupela Taim Trenslesen Bilong Ol Skripsa Holi

    • 4 Orait Devit i salim sampela man i go bringim em i kam.+ Na em i kam long Devit na Devit i slip wantaim em.+ (Dispela samting i kamap long taim we em i bihainim pasin bilong mekim em yet i kamap klin long ai bilong God.*)+ Na bihain em i go bek long haus bilong em.

  • 2 Samuel 12:10, 11
    Nupela Taim Trenslesen Bilong Ol Skripsa Holi

    • 10 Orait harim, yu ting tok bilong mi i samting nating na yu kisim meri bilong Uria, em man Hit, olsem na long olgeta taim bihain bikpela hevi bai painim lain famili bilong yu.’*+ 11 Jehova i tok olsem: ‘Bai mi mekim sampela insait long famili bilong yu yet i givim bikpela hevi long yu;+ na long ai bilong yu, mi bai kisim ol meri bilong yu na givim long narapela man,+ na em bai slip wantaim ol meri bilong yu long ples klia.+

  • Provep 6:32-35
    Nupela Taim Trenslesen Bilong Ol Skripsa Holi

    • 32 Man i mekim pasin adaltri* wantaim narapela meri, em i no gat gutpela tingting;

      Man husat i mekim olsem, em i bringim bagarap i kam long em yet.+

      33 Em bai kisim tasol pen na hevi na nem nogut,+

      Na sem em i kisim bai stap oltaim.+

      34 Long wanem, pasin jeles i save mekim maritman i belhat nogut tru;

      Em i no inap sori taim em i bekim rong.+

      35 Em bai no inap ekseptim kompensesen;*

      Maski presen yu givim i bikpela tru, dispela bai no inap mekim kol bel bilong em.