Wastaua INTENET LAIBRERI

1 Samuel 15:13, 14

Nupela Taim Trenslesen Bilong Ol Skripsa Holi
- 13 Orait Samuel i go na bungim Sol, na Sol i tokim em olsem: “Jehova i ken blesim yu. Mi bihainim pinis tok bilong Jehova.” 14 Tasol Samuel i tok: “Tru, a? Na bilong wanem mi harim singaut bilong ol sipsip na ol bulmakau?”+

Buk Song 36:1, 2

Nupela Taim Trenslesen Bilong Ol Skripsa Holi
- 36 Sin i stap long bel bilong man nogut, na i givim sampela tok long em;
  Ai bilong em i soim olsem em i no pret liklik long God.+
  
  2 Long ai bilong em yet, em i ting em i nambawan tru
  Olsem na em i no luksave na givim baksait long ol sin bilong em.+

Provep 21:2

Nupela Taim Trenslesen Bilong Ol Skripsa Holi
- 2 Man inap ting olgeta pasin em i bihainim i stret,+
  Tasol Jehova i save skelim gut bel* bilong man.+

Jeremaia 17:9

Nupela Taim Trenslesen Bilong Ol Skripsa Holi
- 9 Bel bilong ol man i save tingting oltaim long mekim pasin giaman, na tingting bilong man em i nogut tru.*+
  
  Husat inap save long as tru bilong en?