-
Stat 9:20, 21Nupela Taim Trenslesen Bilong Ol Skripsa Holi
-
-
20 Bihain Noa i kirap wokim gaden na em i planim gaden wain. 21 Wanpela taim em i dring wain, na em i spak na em i rausim klos bilong em insait long haus sel bilong em.
-
-
Provep 23:29-35Nupela Taim Trenslesen Bilong Ol Skripsa Holi
-
-
29 Husat i save bel hevi? Husat i no save stap isi?
Husat i save tok pait? Husat i save komplein?
Husat i save kisim bagarap nating long skin? Na ai bilong husat i save ret?
30 Em ol man husat i save lusim bikpela haptaim long dring wain;+
Em ol man husat i save painim* wain em ol i bin miksim.
31 No ken lukluk long retpela kala bilong wain
Taim em i lait gut insait long kap na i go daun isi tasol long nek,
32 Bikos bihain em bai kaikaim man olsem snek i save kaikaim man,
Na em i save kamapim posin olsem bilong wanpela posin snek.
34 Na yu bai kamap olsem man i slip long namel bilong solwara,
Olsem man i slip antap long mas bilong sip.
35 Na bai yu tok olsem: “Ol i paitim mi, tasol mi no pilim.*
Ol i paitim mi, tasol mi no bin save.
Wanem taim bai mi kirap long slip?+
Mi nidim wanpela moa dring.”*
-