15 “‘Taim yupela i mekim kot, yupela i mas mekim stretpela kot. Yupela i no ken mekim wansait pasin long ol rabisman o helpim maniman long winim kot.+ Yupela i mas mekim stretpela kot na skelim ol man.

16 “Long dispela taim mi bin tokim ol jas bilong yupela olsem, ‘Taim yupela i harim kot, yupela i mas skelim kot long stretpela pasin,+ maski kot i kamap namel long wanpela man na wantok bilong em o man bilong narapela ples.+ 17 Taim yupela i mekim kot, yupela i no ken mekim wansait pasin.+ Yupela i mas mekim wankain pasin long olgeta man, maski ol i man nating o man i gat namba.+ Yupela i no ken pret long ol man,+ long wanem, yupela i mekim wok jas bilong God.+ Sapos yupela i hatwok long stretim wanpela hevi, orait yupela i mas bringim i kam long mi na bai mi harim dispela kot.’+

19 Taim yupela i mekim kot, yupela i mas mekim stretpela kot,+ yupela i no ken mekim wansait pasin+ na yupela i no ken kisim braib, long wanem, braib i save pasim ai bilong ol man i gat save+ na paulim toktok bilong ol stretpela man.

7 Yupela i mas pret long Jehova.+ Na yupela i mas was gut long samting yupela i mekim, long wanem, Jehova, God bilong yumi, i no save paulim kot+ na em i no save mekim wansait pasin,+ na em i no orait long pasin bilong kisim braib.”+

21 Long ai bilong God na Krais Jisas na ol ensel em God i bin makim, mi tokim yu long bihainim ol dispela tok na no ken larim tingting yu holim pinis o wansait pasin i bosim samting yu mekim.+