• 2 King 5:20-22
    Nupela Taim Trenslesen Bilong Ol Skripsa Holi

    • 20 Gehasi,+ wokman bilong Elisa em wokman bilong God tru,+ i tok long em yet olsem: ‘Bikman bilong mi i larim dispela Naman+ bilong Siria i go nating na em i no kisim ol presen em Naman i bin bringim i kam. Mi tok tru antap long Jehova husat i stap laip, olsem mi bai ran i go bihainim em na kisim sampela samting long em.’ 21 So Gehasi i ran i go bihainim Naman. Taim Naman i lukim olsem wanpela man i ran i kam bihainim em, em i lusim karis bilong em na i kam daun bilong bungim em, na em i tok: “Olgeta samting i orait?” 22 Orait Gehasi i tok: “Olgeta samting i orait. Tasol bikman bilong mi i salim mi i kam, na em i tok, ‘Harim! Nau tasol 2-pela yangpela man em ol i bilong lain profet* long ples maunten bilong Efraim i kam long mi. Plis mi laik yu givim ol 1-pela talen silva na 2-pela gutpela klos.’”+

  • Jeremaia 17:11
    Nupela Taim Trenslesen Bilong Ol Skripsa Holi

    • 11 Man i bihainim pasin i no stret na i kisim planti mani samting,+

      Em i olsem pisin patrids* i kisim na bungim ol kiau bilong narapela pisin.

      Olgeta samting bilong dispela man bai i lus long taim em i no lapun yet,

      Em i hatwok nating na i olsem em i longlong.”