18 Long dispela taim, Samuel i mekim wok+ bilong* Jehova maski em i liklik mangi tasol. Em i save werim wanpela laplap ifot.*+ 19 Long olgeta yia mama bilong em i save wokim wanpela liklik longpela siot i no gat han. Na taim mama na papa bilong em i kam bilong mekim sakrifais long olgeta yia, mama bilong em i save kisim dispela siot i kam na givim long em.+

3 Olsem tasol ol meri i gat bikpela krismas ol i mas wokabaut long pasin i holi, na ol i no ken krungutim gutnem bilong narapela, na ol i no ken kalabus long pasin bilong dring planti wain, na ol i mas skulim ol arapela long ol gutpela samting. 4 Olsem bai ol i ken givim gutpela tingting long ol yangpela meri* long laikim man bilong ol, na laikim ol pikinini bilong ol, 5 na long bihainim gutpela tingting, na mekim pasin i klin, na long lukautim gut haus, na mekim gutpela pasin, na daun long man bilong ol yet.+ Olsem bai ol man i no ken tok nogut long tok bilong God.