19 bikos i gat pinis bilong ol man na i gat pinis bilong ol animal; pinis bilong olgeta i wankain tasol.+ Wanpela i dai, na olsem tasol narapela i dai; na olgeta i gat wanpela strong bilong laip.+ So ol man i no winim ol animal, bikos olgeta samting i olsem samting nating tasol. 20 Olgeta i go long wankain ples tasol.+ Olgeta i kamap long das,+ na olgeta bai go bek long das.+

2 Pinis bilong olgeta man i wankain tasol,+ stretpela man na man nogut,+ gutpela man na man i stap klin na man i no stap klin, ol man i mekim sakrifais na ol man i no mekim sakrifais. Gutpela man i wankain tasol long sinman; man husat i save mekim tok tru antap em i wankain tasol long man husat i save tingting gut pastaim long em i mekim tok tru antap. 3 Dispela em wanpela samting i save kamap aninit long san na i givim hevi: Pinis bilong olgeta man i wankain tasol,+ olsem na bel bilong ol man tu i pulap long pasin nogut; na olkain longlong pasin i stap long bel bilong ol long taim ol i stap laip, na bihain ol i dai!*

11 Mi lukim narapela samting moa aninit long san, i no olsem oltaim ol man i save spit tru i save winim resis, o ol strongpela man i save winim pait,+ o ol man i gat savetingting i gat kaikai, o ol saveman i gat mani kago,+ o ol man i gat save, wok bilong ol i save kamap gut,+ long wanem, taim nogut na ol samting we man i no ting inap kamap, i save painim olgeta bilong ol.