• 2 King 15:29
    Nupela Taim Trenslesen Bilong Ol Skripsa Holi

    • 29 Long taim Peka i stap king bilong Israel, King Tiklat-pileser+ bilong Asiria i kam pait na kisim taun Ijon, Abel-bet-maka,+ Janoa, Kedes,+ Hasor, Gileat,+ na Galili, em olgeta graun bilong lain Naptali,+ na em i kisim ol manmeri bilong ol dispela taun i go stap olsem ol kalabus long Asiria.+

  • 2 King 17:6
    Nupela Taim Trenslesen Bilong Ol Skripsa Holi

    • 6 Long namba 9 yia bilong Hosia i stap king, king bilong Asiria i pait na kisim taun Samaria.+ Na em i kisim ol manmeri bilong Israel long ples bilong ol na bringim ol i go olsem ol kalabus+ long Asiria, na em i putim sampela long Hala na sampela long Habor long Wara Gosan+ na sampela long ol taun bilong ol Midia.+

  • 1 Stori 5:26
    Nupela Taim Trenslesen Bilong Ol Skripsa Holi

    • 26 Olsem na God bilong Israel i kirapim tingting bilong King Pul bilong Asiria+ (em King Tilgat-pilneser+ bilong Asiria) na em i kam kisim ol manmeri long traib bilong Ruben, Gat, na hap traib bilong Manase na bringim ol i go olsem ol kalabus long Hala, Habor, Hara, na Wara Gosan,+ na ol i stap long ol dispela hap i kam inap long nau.