3 Mi tok: “Plis harim, yupela ol hetman bilong Jekop
Na yupela ol bikman long lain bilong Israel.+
Ating yupela i mas save pinis long stretpela pasin, a?
2 Tasol yupela i save heitim ol samting i gutpela+ na laikim ol samting i nogut;+
Yupela i save rausim skin bilong ol manmeri bilong mi na rausim mit long bun bilong ol.+
3 Na yupela i save kaikaim tu mit long bodi bilong ol manmeri bilong mi+
Na rausim skin bilong ol,
Na memeim ol bun bilong ol na brukbrukim i go liklik liklik,+
Wankain olsem samting i kuk long sospen, olsem abus insait long sospen.