3 Na Moses i go antap long maunten+ bilong toktok wantaim God tru, na Jehova i tokim em olsem, “Yu mas tokim lain bilong Jekop, em ol pikinini bilong Israel:

5 Sapos yupela i bihainim tok bilong mi long olgeta samting na bihainim kontrak mi bai mekim wantaim yupela, orait yupela bai kamap spesel lain bilong mi* namel long olgeta lain manmeri,+ long wanem, graun olgeta i bilong mi.+

7 Na em i kisim buk* bilong kontrak na em i ritim long ol manmeri.+ Ol i harim na ol i tok: “Mipela i wanbel long mekim olgeta samting em Jehova i tok long en, na mipela bai bihainim tok bilong em.”+

32 Dispela kontrak bai i no wankain olsem kontrak mi bin mekim wantaim ol tumbuna papa bilong ol long taim mi holim han bilong ol na bringim ol i kam lusim Isip,+ ‘em kontrak bilong mi we ol i bin brukim,+ maski mi stap bosman tru bilong ol,’* Jehova i tok olsem.”

18 Dispela samting bai painim ol man i brukim kontrak bilong mi na i no bihainim ol tok bilong dispela kontrak. Ol i bin wokim dispela kontrak long ai bilong mi taim ol i bin katim bulmakau i go long tupela hap na ol i wokabaut namel long dispela tupela hap bilong bulmakau.+ 19 Em ol hetman bilong Juda, ol hetman bilong Jerusalem, na ol ofisa bilong king, na ol pris, na olgeta manmeri bilong dispela kantri em ol i bin wokabaut namel long dispela tupela hap bilong bulmakau. 20 Mi bai putim ol long han bilong ol birua bilong ol na long han bilong ol man i laik pinisim laip bilong ol na ol bai kilim ol i dai, na bodi bilong ol bai i kamap kaikai bilong ol pisin na bilong ol animal.+