• 2 Stori 36:15, 16
    Nupela Taim Trenslesen Bilong Ol Skripsa Holi

    • 15 Jehova, God bilong ol tumbuna papa bilong ol, i wok long givim tok lukaut long ol long rot bilong ol man bilong bringim tok bilong em. Na planti taim God i wok long givim tok lukaut long ol, long wanem, em i sori long ol manmeri bilong em na long tempel bilong em.* 16 Tasol ol i wok long tok bilas long ol man i bringim tok bilong God tru+ i go long ol, na ol i no laikim tru tok bilong God+ na ol i rabisim ol profet bilong em,+ i go inap long belhat bilong Jehova i kamap long ol manmeri bilong em,+ na i go inap long ol i no gat rot bilong kamap orait.

  • Aisaia 8:14, 15
    Nupela Taim Trenslesen Bilong Ol Skripsa Holi

    • 14 Em bai kamap olsem wanpela ples holi,

      Tasol em bai kamap tu olsem wanpela ston bilong paitim samting

      Na olsem wanpela bikpela ston bilong mekim man i pundaun+

      Long tupela lain bilong Israel,

      Na em bai kamap olsem trap na umben

      Long ol manmeri bilong Jerusalem.

      15 Planti bilong ol bai bam na pundaun na kisim bagarap;

      Trap bai pulim ol na holimpasim ol.