-
Jeremaia 23:16, 17Nupela Taim Trenslesen Bilong Ol Skripsa Holi
-
-
16 Jehova, bosman bilong bikpela lain ami, i tok olsem:
“Yupela i no ken harim ol tok em ol profet i autim long yupela.+
Ol i giamanim yupela.*
Ol visen ol i lukim na ol i save autim, ol i kamapim long tingting bilong ol yet,+
Na i no kam long maus bilong Jehova.+
17 Planti taim ol i save tokim ol manmeri i no rispektim mi olsem,
‘Jehova i tok olsem: “Bai yupela i stap bel isi.”’+
Na ol i tokim ol manmeri i save strong long bihainim laik bilong bel bilong ol yet olsem,
‘Bagarap i no inap painim yupela.’+
-
-
Esekiel 13:7Nupela Taim Trenslesen Bilong Ol Skripsa Holi
-
-
7 Yupela i lukim giaman visen na mekim giaman tokaut long samting bai kamap bihain taim yupela i tok, ‘Tok bilong Jehova i olsem,’ tasol mi yet mi no bin mekim wanpela tok.”’
-
-
Maika 2:11Nupela Taim Trenslesen Bilong Ol Skripsa Holi
-
-
11 Sapos wanpela man i wokabaut bihainim win na pasin giaman, na em i mekim dispela tok giaman:
“Bai mi autim tok long yu long wain na alkohol dring,”
Orait em bai stap olsem man bilong autim tok bilong amamasim tasol ol dispela manmeri!+
-