• Josua 10:12, 13
    Nupela Taim Trenslesen Bilong Ol Skripsa Holi

    • 12 Long dispela de, Jehova i daunim ol Amor long ai bilong ol Israel. Na long ai bilong ol Israel, Josua i tokim Jehova olsem:

      “San, yu sanap tasol+ antap long Gibeon,+

      Na mun, yu sanap tasol antap long Veli* Bilong Aijalon!”

      13 So san i sanap tasol na mun i no muv i go inap long lain Israel i daunim ol birua bilong ol. Ol i raitim stori bilong dispela samting long buk bilong Jasha.+ San i sanap tasol long namel bilong skai long de olgeta na i no go daun kwik.