• Aisaia 1:23
    Nupela Taim Trenslesen Bilong Ol Skripsa Holi

    • 23 Ol hetman bilong yu i gat strongpela het na ol i save wok bung wantaim ol stilman.+

      Olgeta bilong ol i save laikim tumas long kisim braib na ol i save ron bihainim ol presen.+

      Ol i no save mekim stretpela kot long ol pikinini i no gat papa,*

      Na ol kot keis bilong ol wido i no save go kamap long ol.+

  • Jeremaia 5:26-28
    Nupela Taim Trenslesen Bilong Ol Skripsa Holi

    • 26 Ol man nogut i stap namel long ol manmeri bilong mi.

      Ol i was i stap na lukluk olsem man bilong kisim pisin i save nildaun na was i stap.

      Ol i putim trap bilong bagarapim man.

      Ol i laik holimpas ol man long trap bilong ol.

      27 Ol haus bilong ol i pulap long ol samting ol i kisim long rot bilong pasin giaman,+

      Wankain olsem banis waia bilong pisin i pulap long ol pisin.

      Long dispela as na ol i kamap strong na ol i gat planti mani kago.

      28 Ol i kamap patpela na skin bilong ol i luk nais;

      Na ol i save mekim planti pasin nogut.

      Na ol i no save helpim kot keis bilong ol pikinini i no gat papa,+

      Na sindaun bilong ol i kamap gutpela;

      Na ol i save pasim ol rabisman long kisim stretpela kot.’”+

  • Maika 2:1, 2
    Nupela Taim Trenslesen Bilong Ol Skripsa Holi

    • 2 “Sori tru long ol man husat i plen long mekim samting nogut,

      Ol i slip long bet bilong ol na wokim tingting long olsem wanem ol inap mekim dispela samting nogut!

      Taim tulait i kamap ol i karimaut dispela plen,

      Long wanem, strong i stap long han bilong ol long mekim dispela samting.+

       2 Ol i laikim ol gaden na ol i strong na kisim;+

      Ol i laikim tu ol haus na ol i kisim;

      Ol i giamanim man na kisim haus bilong em,+

      Ol i giamanim man na kisim ol samting em i bin kisim long ol tumbuna.