6 Na ol i holimpas king+ na bringim em i go long king bilong Babilon long Ripla na ol i kotim em. 7 Na ol i kilim i dai ol pikinini man bilong Sedekaia long ai bilong em; na Nebukatnesar i mekim em i kamap aipas, na pasim hanlek bilong em long kopa sen na bringim em i go long Babilon.+

17 Orait Jeremaia i tokim Sedekaia olsem: “Jehova, em God, bosman bilong bikpela lain ami,* em God bilong Israel, em i tok olsem, ‘Sapos yu putim yu yet long han bilong* ol ofisa bilong king bilong Babilon, orait laip bilong yu i no inap lus, na ol bai i no inap kukim dispela taun long paia, na ol bai i no kilim yu wantaim famili bilong yu i dai.+ 18 Tasol sapos yu no putim yu yet long han bilong* ol ofisa bilong king bilong Babilon, orait ol bai putim dispela taun long han bilong ol Kaldia, na ol bai kukim dispela taun long paia,+ na yu no inap ranawe long ol.’”+

5 Tasol ol ami bilong Kaldia i ranim ol, na ol i holimpas Sedekaia long ples nating bilong Jeriko.+ Ol i holim em na bringim em i kam long King Nebukatnesar* bilong Babilon long Ripla,+ long graun bilong Hamat.+ Na em i makim kot bilong Sedekaia.

13 Mi bai tromoi umben bilong mi antap long em, na em bai pas long umben bilong mi.+ Bihain bai mi bringim em i go long Babilon, long graun bilong ol Kaldia, tasol em i no inap lukim dispela ples; na long dispela hap em bai dai.+