8 Long namba 7 de bilong namba 5 mun long namba 19 yia bilong King Nebukatnesar i stap king bilong Babilon, Nebusaradan+ em kepten bilong ol gad na wokman bilong king bilong Babilon, i kam long Jerusalem.+ 9 Em i kukim haus bilong Jehova,+ na haus king,+ na olgeta haus long Jerusalem;+ na em i kukim tu haus bilong olgeta bikman.+ 10 Na olgeta ami bilong Kaldia em ol i kam wantaim kepten bilong ol gad, ol i brukim banis i raunim Jerusalem.+

24 “Jehova i tok olsem, ‘Bai mi bringim bikpela hevi i kam long dispela ples na long ol manmeri bilong en,+ olsem olgeta tok bilong bagarapim man em ol i bin raitim long dispela buk+ em ol i ritim long ai bilong king bilong Juda. 25 Ol i bin givim baksait long mi+ na ol i mekim ol sakrifais bilong kamapim smok i go long ol arapela god na ol i mekim mi kros+ long ol samting ol i wokim long han bilong ol yet. Olsem na mi bai kapsaitim belhat bilong mi olsem paia long dispela ples na bai i no gat man inap kilim i dai dispela paia.’”+

16 Tasol ol i wok long tok bilas long ol man i bringim tok bilong God tru+ i go long ol, na ol i no laikim tru tok bilong God+ na ol i rabisim ol profet bilong em,+ i go inap long belhat bilong Jehova i kamap long ol manmeri bilong em,+ na i go inap long ol i no gat rot bilong kamap orait.

17 Olsem na God i salim king bilong ol Kaldia+ i kam pait long ol, na kilim i dai ol yangpela man long bainat+ insait long ples holi;+ em i no sori liklik long ol yangpela man o yangpela meri,* o ol lapun o ol man i no gat strong.+ God i putim olgeta samting long han bilong em.+

Em i kapsaitim belhat bilong em olsem paia+ i go insait long haus sel bilong pikinini meri bilong Saion.+