10 So mi go insait na lukluk, na mi lukim olgeta kain piksa bilong ol palai samting na ol stingpela animal+ na olgeta stingpela imis* bilong ol Israel;+ ol i katim piksa bilong ol long olgeta hap bilong banis. 11 Na 70 hetman bilong ol Israel i sanap long ai bilong ol dispela samting, na Jasania, pikinini man bilong Safan,+ i sanap wantaim ol. Long han bilong olgeta wan wan, ol i holim ol liklik plet bilong kukim paura, na smok i gat gutpela smel bilong paura i wok long i go antap.+