• Jeremaia 2:8
    Nupela Taim Trenslesen Bilong Ol Skripsa Holi

    •  8 Ol pris i no askim olsem, ‘Jehova i stap we?’+

      Na ol man i gat wok long skulim ol arapela long Lo, ol i no save long mi,

      Ol wasman i bikhet long mi,+

      Na ol profet i mekim tok profet long nem bilong Bal,+

      Na ol i bihainim ol god we i no inap helpim ol.

  • Jeremaia 8:10-12
    Nupela Taim Trenslesen Bilong Ol Skripsa Holi

    • 10 Olsem na mi bai givim ol meri bilong ol long ol arapela man,

      Na ol gaden bilong ol long ol arapela man;+

      Ol manmeri i gat namba na ol manmeri nating, olgeta i save mekim pasin giaman bilong kisim ol samting;+

      Na ol profet na ol pris tu i save mekim pasin giaman na paulim ol samting bilong ol arapela.+

      11 Pikinini meri bilong ol manmeri bilong mi i kisim bagarap na ol i traim long mekim em i kamap orait, tasol ol i mekim nabaut na ol i no mekim gut. Ol i save tok,

      “Bel isi i stap! Bel isi i stap!”

      Tasol i no gat bel isi.+

      12 Olsem wanem? Ol i pilim sem long ol stingpela pasin ol i bin mekim?

      Nogat tru, ol i no sem liklik!

      Na ol i no save long pasin bilong pilim sem!+

      Olsem na ol tu bai pundaun wantaim ol lain i pundaun.

      Taim mi mekim save long ol, ol bai pundaun,’+ mi Jehova, mi tok olsem.

  • Maika 3:5
    Nupela Taim Trenslesen Bilong Ol Skripsa Holi

    •  5 Jehova i bin mekim dispela tok agensim ol profet husat i wok long pulim ol manmeri bilong mi i go long narapela rot,+

      Em ol i tok ‘Bel isi i stap!’+ na long seim taim ol i kaikaim samting* long tit bilong ol+

      Tasol taim man i no putim wanpela samting long maus bilong ol, ol i tokaut long woa agensim em olsem:

  • Maika 3:11
    Nupela Taim Trenslesen Bilong Ol Skripsa Holi

    • 11 Ol lida* bilong em i kisim braib bilong ol i ken skelim kot,+

      Ol pris bilong em i skulim ol manmeri bilong ol i ken kisim pe,+

      Na ol profet bilong em i mekim wok bilong givim save long ol samting i stap hait bilong ol i ken kisim mani.*+

      Tasol ol i save tok ol i trastim Jehova, ol i tok:

      “Jehova i stap wantaim yumi.+

      Bagarap i no inap painim yumi.”+