19 Na taim yupela i lukluk i go antap long skai na lukim san na mun na ol sta—olgeta ami bilong heven—yupela i no ken kirap laikim ol na brukim skru long ol na lotuim ol.+ Jehova, God bilong yupela, i bin givim ol dispela samting long olgeta manmeri i stap long graun.

16 Ol i no bihainim olgeta lo bilong Jehova, God bilong ol. Na ol i wokim ol imis bilong 2-pela yangpela bulmakau long ain samting+ na wanpela pos bilong lotu.*+ Na ol i brukim skru long olgeta ami bilong heven+ na ol i lotuim god Bal.+

21 Manase+ i gat 12-pela krismas taim em i kamap king, na em i stap king long Jerusalem inap 55 yia.+ Nem bilong mama bilong em, Hepsiba.

3 Em i wokim gen ol ples lotu* em bipo papa bilong em, Hesekia, i bin bagarapim.+ Na em i sanapim ol alta bilong Bal na em i wokim wanpela pos bilong lotu*+ olsem bipo King Ahap bilong Israel i bin mekim.+ Na em i brukim skru long olgeta ami bilong heven na lotu long ol.+

13 Na ol haus bilong Jerusalem na ol haus bilong ol king bilong Juda bai i kamap doti long ai bilong mi olsem dispela ples Tofet.+ Long wanem, antap long ol rup* bilong ol haus, ol i save ofaim ol sakrifais long ami bilong heven*+ na ol i save kapsaitim wain olsem ofa long ol arapela god.’”+

16 So em i bringim mi i go long liklik ples bung long haus bilong Jehova.+ Long dua bilong tempel bilong Jehova, namel long taua bilong tempel na alta, inap olsem 25 man i tanim baksait bilong ol long tempel bilong Jehova na pes bilong ol i lukluk i go long hap is; ol i wok long brukim skru long san long hap is.+