26 Na ol i go long Moses na Aron na olgeta manmeri bilong Israel long ples nating bilong Paran long Kades.+ Na ol i ripot long olgeta samting ol i bin lukim na ol i soim ol manmeri ol kaikai ol i bin kisim long dispela ples. 27 Na ol i tokim Moses olsem: “Dispela ples yu bin salim mipela i go lukim, em mipela i lukim pinis. Dispela graun i gat planti milk na hani.+ Lukim, mipela i bringim ol dispela kaikai+ i kam bek.

10 “Jehova, God bilong yupela, bai bringim yupela i go long graun em i bin tok tru antap long en long ol tumbuna papa bilong yupela Abraham, Aisak, na Jekop long givim yupela,+ em graun i gat ol gutpela strongpela taun yupela yet i no bin wokim,+ 11 ol haus i pulap long olgeta kain gutpela samting em yupela yet i no bin hatwok long bungim, na ol hulwara em yupela yet i no bin wokim, na ol gaden wain na ol diwai oliv em yupela yet i no bin planim. Bai yupela i kaikai olgeta na bai yupela i pulap stret.+

7 Jehova, God bilong yupela, bai bringim yupela i go insait long gutpela graun,+ em graun i gat ol wara i ron, ol hulwara, na ol wara aninit long graun* i kam antap na i ron long bikpela hap graun long veli na long ol ples maunten, 8 em graun i gat ol wit na bali, ol rop wain, ol diwai fik, na ol pomigranet,*+ em graun i gat ol diwai oliv na hani,+ 9 em graun we i no sot long kaikai na yupela bai i no sot long wanpela samting, em graun we ol ston i gat ain, na long ol maunten bilong en, yupela bai painim na kisim kopa.