• Aisaia 9:7
    Nupela Taim Trenslesen Bilong Ol Skripsa Holi

    •  7 Wok bos* bilong em bai wok long kamap bikpela moa

      Na bel isi bai i no gat pinis bilong en,+

      Em bai sindaun long sia king bilong Devit+ na kisim wok king bilong em

      Na mekim i kamap strong tru+ na sapotim

      Long rot bilong stretpela kot+ na stretpela pasin,+

      Long nau na i go inap oltaim oltaim.

      Jehova, bosman bilong bikpela lain ami, i gat strongpela laik long mekim dispela samting i kamap.

  • Aisaia 11:3, 4
    Nupela Taim Trenslesen Bilong Ol Skripsa Holi

    •  3 Em bai kisim amamas long pasin bilong pret long Jehova.+

      Em bai no jasim man long samting em i lukim tasol long ai,

      O stretim man long samting em i harim tasol long yau.+

       4 Em bai jasim ol taranguman long pasin i fea,*

      Na long stretpela pasin, em bai givim tok bilong stretim ol man i gat pasin daun, em tok we inap helpim ol.

      Em bai paitim graun long stik i kam aut long maus bilong em,+

      Na long win bilong maus bilong em, em bai kilim i dai ol man nogut.+