14 Orait Jehova i tokim mi olsem: “Ol profet i autim ol tok giaman long nem bilong mi.+ Mi no bin salim ol na mi no bin tokim ol long autim ol tok, na tu, mi no bin toktok wantaim ol.+ Ol samting ol i lukim long visen na ol i autim, ol i giaman. Na ol samting ol i kisim save long en long rot bilong wok bilong kisim save long ol samting i stap hait, na ol samting ol i autim long yupela, em ol tok giaman ol i autim long tingting bilong ol yet.+

21 Mi no bin salim ol profet i go, tasol ol yet i hariap i go autim tok.

Na mi no givim tok long ol, tasol ol yet i mekim tok profet.+

15 Profet Jeremaia i tokim profet Hanania+ olsem: “Hanania, yu harim. Jehova i no bin salim yu i kam. Yu mekim ol dispela manmeri i bilipim tok giaman bilong yu.+

8 Jehova, bosman bilong bikpela lain ami, em God bilong ol Israel, em i tok olsem: “Yupela i no ken larim ol profet bilong yupela, na ol man i save tokaut long ol samting bai kamap bihain, em ol i stap wantaim yupela, i giamanim yupela.+ Na sapos ol i autim as bilong ol driman bilong ol, yupela i no ken putim yau long en. 9 Long wanem, ‘ol tok profet ol i autim long nem bilong mi, em ol i giaman tasol. Mi no bin salim ol i kam,’+ mi Jehova, mi tok olsem.”’”

6 “Ol i lukim ol giaman visen na mekim giaman tokaut long samting bai kamap bihain, ol i wok long tok, ‘Tok bilong Jehova i olsem,’ tasol Jehova yet i no bin salim ol, na ol i wet long lukim tok bilong ol yet i kamap tru.+