11 Olsem wanpela wasman bilong sipsip, em bai lukautim gut ol sipsip bilong em.+

Long pasin isi, em bai stiaim ol sipsip i gat pikinini.+

11 “‘Nambawan Bikpela Jehova i tok: “Mi stap, na mi yet bai go painim ol sipsip bilong mi, na mi bai lukautim ol.+ 12 Mi bai lukautim ol sipsip bilong mi wankain olsem wanpela wasman bilong sipsip husat i painim pinis ol sipsip bilong em i go stap nabaut na em i wok long fidim ol.+ Mi bai kisim bek ol long olgeta ples ol i bin go stap nabaut long en long de bilong bikpela klaut na bikpela tudak.+ 13 Mi bai kisim ol namel long ol lain manmeri na bringim ol i kam aut, na kisim ol long ol narapela kantri na bungim ol wantaim, na bringim ol i go long graun bilong ol na fidim ol antap long ol maunten bilong Israel,+ klostu long ol liklik hanwara na olgeta ples ol man i stap long en long dispela graun.