• Esekiel 35:15
    Nupela Taim Trenslesen Bilong Ol Skripsa Holi

    • 15 Yu bin amamas taim graun bilong ol manmeri bilong Israel i stap nating, olsem tasol mi bai mekim wankain samting long yu.+ Yu bai kamap wanpela ples nating i bagarap i stap, O ples maunten bilong Seir, yes, olgeta ples bilong Idom;+ na ol manmeri bai save tru olsem mi Jehova.’”

  • Amos 1:11
    Nupela Taim Trenslesen Bilong Ol Skripsa Holi

    • 11 Jehova i tok olsem,

      ‘Planti taim ol manmeri bilong kantri Idom i bin mekim pasin nogut,+ olsem na mi no inap tanim bek samting em mi tingting pinis long mekim,

      Long wanem, em i bin ranim brata bilong em yet long bainat,+

      Na em i no marimari liklik long em;

      Em i belhat na mekim save moa yet long em,

      Na kros bilong em i no pinis.+

  • Obadia 13
    Nupela Taim Trenslesen Bilong Ol Skripsa Holi

    • 13 Yu no ken kam insait long taun* bilong ol manmeri bilong mi taim bikpela bagarap i painim ol,+

      Yu no ken belgut long hevi bilong em taim bikpela bagarap i painim em,

      Na yu no ken putim han long kisim ol mani kago bilong em taim bikpela bagarap+ i painim em.