12 Bai mi wokabaut namel long yupela, na bai mi stap God bilong yupela,+ na yupela bai i stap lain manmeri bilong mi.+

19 Na mi bai mekim ol i stap wanbel,*+ na mi bai putim nupela tingting long ol;+ na mi bai rausim bel i strong olsem ston long bodi bilong ol+ na givim bel i malumalum olsem bilong man* long ol,+ 20 bambai ol i ken bihainim olgeta lo bilong mi. Na ol bai stap ol manmeri bilong mi, na mi bai stap God bilong ol.”’

7 Em i tokim mi:

“Pikinini bilong man, dispela em ples bilong sia king bilong mi+ na ples bilong putim lek bilong mi,+ em ples we mi bai stap namel long ol manmeri bilong Israel inap oltaim oltaim.+ Ol manmeri bilong Israel i no inap bagarapim moa nem holi bilong mi,+ ol na ol king bilong ol, long rot bilong givim baksait long mi,* na long rot bilong dai bodi bilong ol king bilong ol long taim ol i dai.

3 Na mi harim wanpela nek i kamap long sia king na i singaut strong olsem: “Harim! Haus sel bilong God i stap wantaim ol manmeri, na God bai stap wantaim ol, na ol bai stap ol manmeri bilong em. Na God yet bai stap wantaim ol.+