• Aisaia 9:6
    Nupela Taim Trenslesen Bilong Ol Skripsa Holi

    •  6 Bikos wanpela pikinini i bon pinis long yumi,+

      God i givim pinis wanpela pikinini man long yumi;

      Na wok bos* bai stap long solda bilong em.+

      Ol bai kolim nem bilong em, Man Bilong Givim Gutpela Tingting Tru,+ God i Gat Strong,+ Papa Bilong Oltaim Oltaim, na Prins Bilong Bel Isi.

  • Esekiel 21:26, 27
    Nupela Taim Trenslesen Bilong Ol Skripsa Holi

    • 26 Nambawan Bikpela Jehova i tok: ‘Rausim laplap i raunim het, na rausim kraun.+ Ol samting i no inap i stap wankain.+ Apim man i no gat namba,+ na putim man i gat namba i go daun.+ 27 Mi bai bagarapim, bagarapim, bagarapim dispela wok king. Na wanpela man i no inap kisim dispela wok king i go inap long man husat i gat rait long kisim em i kam,+ na mi bai givim long em.’+

  • Daniel 4:17
    Nupela Taim Trenslesen Bilong Ol Skripsa Holi

    • 17 Ol man bilong was+ i autim dispela tok, na ol man holi i tokaut long dispela disisen, na bai ol manmeri i stap laip i ken save olsem God Antap Tru em i King bilong ol kingdom bilong ol man+ na em i save givim wok king long wanem wanem man em i laikim, maski ol i man nating tru.”