6 Orait nau, Moses i tokim Aron na tupela arapela pikinini man bilong em, Eleasar na Itamar, olsem: “Yupela i mas komim gras bilong yupela na yupela i no ken brukim ol klos bilong yupela.+ Nogut yupela i dai na nogut God i kros long olgeta manmeri bilong Israel. Ol brata bilong yupela, em lain Israel olgeta, i ken krai sori long dispela tupela man em Jehova i bin kilim i dai long paia.