32 na ol bai rausim yu namel long ol manmeri. Bai yu go stap wantaim ol animal bilong bus, na bai yu kaikai gras olsem ol bulmakau, na 7-pela taim i mas lus pastaim, inap long yu save olsem God Antap Tru em i King bilong ol kingdom bilong ol man, na em i save givim wok king long wanem wanem man em i laikim.’”+

33 Long dispela taim stret, truim bilong dispela tok i kamap long Nebukatnesar. Ol i rausim em namel long ol manmeri na em i stat long kaikai gras olsem ol bulmakau, na wara bilong nait i wetim skin bilong em, na gras bilong em i gro i go longpela olsem gras bilong tarangau, na ol pinga neil bilong em i kamap longpela olsem bilong pisin.+