29 “Sapos yupela i wok strong long painim Jehova, God bilong yupela, long ol dispela hap, na yupela i givim bel olgeta bilong yupela na laip* olgeta bilong yupela long painim em, orait yupela bai painim em.+ 30 Na long bihain taim yupela i karim bikpela hevi na olgeta dispela samting nogut i kamap long yupela, orait yupela bai kam bek long Jehova, God bilong yupela, na bihainim tok bilong em.+

10 Na yupela bai harim tok bilong Jehova, God bilong yupela, na bihainim ol lo na ol tok bilong em i stap long dispela buk bilong Lo. Na yupela bai kam bek long Jehova, God bilong yupela, na givim bel olgeta bilong yupela na laip* olgeta bilong yupela long em.+