• Lo 32:12-14
    Nupela Taim Trenslesen Bilong Ol Skripsa Holi

    • 12 Jehova wanpela tasol i stiaim em* i go;+

      Na god bilong ol arapela kantri i no stap wantaim em.+

      13 Em i mekim em i bosim ol ples antap bilong graun,+

      Na em i kaikaim ol kaikai i kamap long gaden.+

      Em i givim em hani i kam long ol bikpela ston

      Na oil i kam long ol ston,

      14 Bata i kam long ol bulmakau na milk i kam long ol sipsip,

      Wantaim ol patpela* sipsip,

      Na ol sipsip man bilong Basan, na ol meme man,

      Wantaim ol nambawan gutpela* wit;+

      Na em i dringim wain ol i wokim long wara* bilong ol greip.

  • Nehemia 9:25
    Nupela Taim Trenslesen Bilong Ol Skripsa Holi

    • 25 Na ol i pait na kisim ol taun i gat strongpela banis+ na ol i kisim graun i gat planti gris,+ na ol i kisim ol haus i pulap long kain kain gutpela samting, na ol hulwara em ol man i bin wokim pinis, ol gaden wain, ol diwai oliv,+ na planti diwai i gat prut. Na ol i kaikai na i stap amamas na kamap patpela. Na ol i amamas tru long gutpela pasin yu mekim long ol.