• Stat 27:41, 42
    Nupela Taim Trenslesen Bilong Ol Skripsa Holi

    • 41 Iso i wok long tingim blesing papa i bin givim long Jekop na em i kros nogut tru long Jekop, long wanem, papa i givim blesing long Jekop.+ Na Iso i tingting long em yet olsem: “Klostu nau papa bai dai.+ Bihain long dispela, bai mi kilim i dai brata bilong mi, Jekop.” 42 Taim Rebeka i harim olsem fesbon pikinini bilong em, Iso, i gat dispela tingting, orait kwiktaim em i singautim Jekop, namba 2 pikinini bilong em, na i tokim em olsem: “Harim, brata bilong yu Iso i bel nogut long yu na em i tingting long kilim yu i dai.*

  • Namba 20:20, 21
    Nupela Taim Trenslesen Bilong Ol Skripsa Holi

    • 20 Tasol ol Idom i tok: “Nogat tru. Yupela i no ken wokabaut long kantri bilong mipela.”+ Na ol Idom i kisim planti lain man na strongpela lain soldia bilong ol i kam bilong pait long ol Israel. 21 Ol Idom i no orait long ol Israel i wokabaut i kam olsem long kantri bilong ol na i go, olsem na ol Israel i lusim Idom na i bihainim narapela rot i go.+

  • Joel 3:19
    Nupela Taim Trenslesen Bilong Ol Skripsa Holi

    • 19 Tasol kantri Isip bai kamap ples we i no gat man i stap,+

      Na kantri Idom bai kamap ples nating na i no gat man i stap long en.+

      Dispela tupela lain i bin mekim nogut long ol manmeri bilong Juda olsem na dispela samting bai kamap long ol,+

      Ol i bin kilim i dai planti manmeri i no gat asua long graun bilong ol Juda.+

  • Amos 1:11
    Nupela Taim Trenslesen Bilong Ol Skripsa Holi

    • 11 Jehova i tok olsem,

      ‘Planti taim ol manmeri bilong kantri Idom i bin mekim pasin nogut,+ olsem na mi no inap tanim bek samting em mi tingting pinis long mekim,

      Long wanem, em i bin ranim brata bilong em yet long bainat,+

      Na em i no marimari liklik long em;

      Em i belhat na mekim save moa yet long em,

      Na kros bilong em i no pinis.+