16 “Jehova i tok olsem, ‘Bai mi bringim bikpela hevi i kam long dispela ples na long ol manmeri bilong en, olsem olgeta tok i stap long dispela buk em king bilong Juda i bin ritim.+ 17 Ol i bin givim baksait long mi na ol i mekim ol sakrifais bilong kamapim smok i go long ol arapela god+ na ol i mekim mi kros long ol samting ol i wokim long han bilong ol yet.+ Olsem na belhat bilong mi bai kamap olsem paia na kukim dispela ples na bai i no gat man inap kilim i dai dispela paia.’”+

5 Tasol ol i no harim tok bilong mi na putim yau long en na givim baksait long pasin nogut bilong ol, nogat. Ol i mekim yet ol sakrifais long ol arapela god.+ 6 Olsem na mi kapsaitim belhat bilong mi na mi mekim save long ol taun bilong Juda na long ol rot bilong Jerusalem, na ol i bagarap na i stap nating, olsem nau i stap.’+